Cruor

Scroll for English. فاكر لما كنت صغير و كنت بتلعب يا شقي و وقعت و ركبتك اتعورت و بعد فترة قصيرة جدًا نزيف الدم وقف؟ في الحقيقة جسمنا ذكي جدًا، و موضوع النهاردة هيكون عن تجلط الدم، و اضطرابات التخثر (التجلط). بصراحة كدة لما بنسمع كلمة جلطة، بنتشائم شوية، لكن تجلط الدم شيئ صحي و ضروري أحيانًا ، ازاي؟ لأن التجلط بيحمينا من إننا ننزف و بالتالي نموت، و كمان بيحمينا من دخول أشياء ضارة لجسمنا من بكتيريا و غيرها، و لأن من غير التجلط الأوعية الدموية اللي تحت جلدك هتتعرض للتدمير. لما الجسم بيحصل فيه جرح، الكولاجين بينتشر، الكولاجين ده بيحب أوي الصفائح الدموية قبيجذبها ناحية المنطقة المجروحة، و بالتالي هتتسد لكن تفتكر ده كفاية؟ هنا بقي يجي دور مركبات الفبرينوجين القابلة للذوبان، و اللي دورها بيكون واضح لما بتتعرض للمركبات الكيميائية من خارج الجسم، فألياف الفبرين بتبدأ تكون لزجة و ماسكة في بعضها أكتر و بالتالي بتكون شبكة كدة حوالين الصفائح الدموية، و مع الوقت الجلطة ده بتتحول لقشرة لحد ما الجرح يلم و تتكون طبقة جديدة من الجلد. و بكدة نقدر نستنتج إن الجلطة عشان تتكون لازم الصفائح الدموية تكون لزجة و ده هيكون في وجود الكولاجين، و برده مركبات الفبرينوجين لازم برده تكون لزجة و ده في حالة إنها اتعرضت لمركبات كيميائة من خارج الجسم، ده كله بيحصل بشكل طبيعي لو الجسم صحي! لكن ماذا لو؟! لو الجسم فشل في إنه يتحكم في تجلط الدم ، هيحصل حاجة من الاتنين: hemorrhage : يعني تجلط الدم مش كفاية، و بالتالي هيكون فيه نزيف. thrombosis: يعني تجلط الدم زائد عن الحد، و ده هيعيق تدفق الدم في الأوعية الدموية. بعض الأسباب المسببة لHemorrhage: - Hemophilia: بسبب إن فيه بروتين معين مسئول عن التجلط نسبته بتبقى قليلة. - Von Willebrand disease: في الغالب ده سببه وراثي ، بسبب إن البروتين ده بتكون نسبته قليلة. - نقص في بروتين K:وده شائع في الرضع. -يحصل اختلال في الصفائح الدوية: سواء لأن عددها قليل أو لسبب ما مش بتشتغل كويس. أعراض الHemorrhage - دم في البول أو البراز. - إنه يحصل كدمات بسهولة و بشكل مفرط. - إرهاق شديد. - لما الجرح ميبطلش نزيف. - وجع الركبة نتيجة لنزيف داخلي. - نزيف الأنف من غير سبب واضح. - صداع مش بيروح خالص. - نزيف مطول من جرح عادي أو عملية. - وجع مفاجئ، و تورم، و الشعور بالسخونة في الركبة و العضلات. - مشاكل في الرؤية و إنك بتشوف الحاجة كإنها حاجتين في بعض. - التقيئ باستمرار. بعض أسباب الthrombosis: نقص في بروتين.C and S syndromeAntiphospholipid antibody: و ده خلل في الجهاز المناعي بيزود بروتينات معينة في الدم و اللي بدورها بتزود خطر التجلط. أعراض ال thrombosis: إنه يحصل جلطة دموية في الأوردة العميقة و الأعراض بتتضمن التالي: - تورم في الذراع أو القدم. - الاحمرار أو تغير اللون. - الاحساس بالحرارة في البشرة. فيه أشخاص بقى عزيزي القارئ بيكون عندهم فرط تخثر(تجلط) و ده عادة بيكون وراثي يعني الشخص مولود و هو عنده القابلية أصلًا، فخطورة حاجة زي ده يا تري بتوصل لإيه؟ بيكون عندهم قابلية أكبر لتكوين جلطات في الأوردة و الشرايين، و ليكن في علمك إن الجلطات اللي بتكون في الشرايين بتزود خطر الإصابة بالسكتة الدماغية، و أزمة قلبية، وإنه يحصل ألم شديد في القدم، وصعوبة في المشي، أو لا قدر الله ممكن يخسر طرف من أطرافه. طيب و العلاج؟ أولًا العلاج بيكون في حالة إن الجلطة اتكونت في وريد أو شريان عن طريق مضادات التخثر، و اللي بتقلل قابلية الجسم لتكوين جلطة، و منعه من تكوين جلطات في المستقبل. و بس كدة عزيزي القارئ، بنتمنى إنك تكون استفدت، و بقيت شخص واعي أكتر، و دمتم سالمين!